Hüt isch Pub-Night gsi....näb üserä Schueu isch uf dr eintä Site Starbucks - womi scho fasch haub i Ruin tribe het - u uf dr angerä Site ä wäuts kuule Pub - vo scho di angeri Heufti vom Gäud bau brucht het ;-). U de simer äbä nachdr Schueu i dä Pub.....eigentlech ischs rächt günschtig, choschtet öppe d'Heufti wi ir Schwiz, aber wi das bekanntlech so isch nimmtme de drfür dopplet so viu. S'isch haut sone richtig typische Pub - chli wi z'Pickwicks z'Bärn....mit TVs wo Sport chunnt, viu z'trinke u fettigem (vou leckerem) Ässä.
U einisch meh ischmer ufgfaue das mir hie mit üsem Jeep vou d'Bibis wäre. Würklech, dä wär hie so öppis wi dr Smart bi üs ir Schwiz. Weni näbme "normale" Outo stah, isch mi Chopf so uf Höchi Stossstange.....ig meinä i bi scho ni di gröschti, aber ds isch scho fasch chli brutau.
Töffe hets ou paar, aber ig gloub ds si eifach rächt Psychopathe... Di fahre vo eirä Chrüzig bis zur nächschte imne Wheelie u stö eifach hinge ufm Häbibügu....wedr wüsst wasi meinä.
Womer am Sunnti hei Velos gmietet simer churz ufdr normale Strass gfahre u ig bi froh gsi hani nume müessä hinge ufm Tandem hocke u ni tschaupe ;-)).
Ds isch nomau ä Ussicht vo mim Heiwäg us - churz vor üsem Hus. Blöderwis isch grad z'Outo cho u d'Lüt hei eh scho komisch gluegt dasi dert fötele, dasi ni no einisch ha chönne....
Keine Kommentare:
Kommentar veröffentlichen