Abflug u 1. Wuche

So, iz wo ändlech mis Netz geit chani mi Blog aktualisierä.... Ha sit am Samschti probierä iz Netz z'cho u hüt isch mire Host-Mum i Sinn cho dassimer äuä z'fausche Passwort het gäh....

Hie bini grad mit mim "bescheidnä" Gepäck ufm Wäg i Flughafe

Ja, am Samschti simer los am Morge u hei no chli Flughafe-Sightseeing gmacht, u när bini ganz älei uf mi Terminal. Äs ischmer komischerwis ni ufgfaue dasi ganz älei dert hocke....bis sone Desk-Frou het gfragt öbi ufe KLM-Flug nach Amsterdam müesi, wüu dä flügi vomne angerä Terminal us....HALLO NADINE?!?! Ha ämu dä Flüger de no gfunge u bi ou ganz guet gfloge (aber z'Ässä isch ja wou soooooooooooo gruuusig gsi - ha zum Glück nones Mars unes Snickers gha!!!). Ha scho im Flüger Lüt lehrä kennä, dä rächts näbädranne isch ä Bärner gsi wo vor 20 Jahr da härä usgwanderet isch u si links isch eini vo dä Fiji-Insle gsi wo iz mit ihrem Ma hie läbt. Si het äbä när nachme Zitli mau gfragt woni de gnau härä müesi u när hare d'Adrässä zeigt u när hetsi gfunge ig chöni grad mit ihne mitcho, si fahri da eh düre.....!!!????!!!!! Nach langem überlegä bini när wük mit denä mit u bi ämu guet acho hie. D'Lüt si au wäuts nätt u d'Stadt isch u schön...vilich blibi grad!!!

So gsehts us weni usm Huus ga...

Hie bi mim Homestay isch no ä Brasilianerä u eini vo Korea - mä nennt so Lüt schiins Room-Maid.

Am Sunnti bini auso miter Brasilianerä u paar vo ihrne Schueukolleginne furt gsi. Hei Velos bzw. Tandems gmietet u si düre Stanley Park. Ig bi hinge ufm Tandem gsi - ds isch super imfau....chasch so gmüetlech hinge druf hocke u chli luegä u fötele.... Gfahre isch ä Dütsche, rächt ä Höuzu, aber zum fahre hets glängt ;-)).

Am Abe simer när no ga Karaoke singe u ou das isch rächt kuul gsi..... Womer de hei si hani scho di erschtä Erfahrige miter Polizei gmacht - nachdämsimi fasch überfahre hei vor üsem Huus. Di hei irgendwie eini gsuecht u när churz druf abe ou gfunge, di het veiechli möge umeschreiä....u het sämtlechi Handtäschliinhaute i üsi richtig gschosse.....si när inegflüchtet...

Ja u geschter u hüt hani Schueu gha, isch rächt kuul gsi - ig hätt ja nie dänkt dasi de mau gärn wirde id Schueu ga...

Häbets guet u bis gly...