So, bi ize z'Seattle im Hotel. Da si hie ae oeffentleche PC-Ruum hei, chani euch scho chli brichte. Leider chame hie d'Sprach bir Tastatur ni umsteue, drum keni ae, oe u ue's.
Bi huet am morge ufgwacht u ha gmeint ig mues staerbe....ni wueui z'weni ha gschlafe (oder aemu ni nume) aber ig ha eifach geschter zweni Wasser trunke - nach dae angere Drinks. Hami ganz himutruurig gfueut - wi gloub no nie. Isch ou bsungers kuul gsi fuerne 4stuendigi Busfahrt.
Ha de dae Greyhound verwuetscht. Isch aber dr ganz Tag beschisse witergange. Hei 2.5h muesse warte ar US Grenze - typisch Ami haut. Di hei saemtlechi Persone iz Buero gno, hei vo aune 2 Formular woeue usgfueut ha u Fingerprints gno u hei eim 5 Minute befragt. I uesem Bus si scho 50 Luet gsi u vor ues hets no 4 angeri Busse gha - choeitnech auso vorsteuae wi das isch gsi.
Bi de schlussaendlech ou mau acho. U de hetmi scho dr erscht woeue lingge - bi no nimau usdr Greyhound-Station dusse gsi. Isch ae Taxifahrer gsi wo eifach viu z'viu het woeue. Bi de haut eifach 2 Blocks glueffe (mit mim ueberus bescheidnige Gepaeck.......). U bi de hie im Hotel acho. Teile mis Zimmer miterae Australiere (isch haub so tuer wemes teilt, drum hani das so gmacht u isch eh viu luschtiger). Ha de festgsteut das z'Hotel ae Spa-Bereich het u bi scho ae Stung im Whirlpool umeplaetteret vori.....
Foeteli hani o gmacht, aber di chani leider ni ufelade, wueui die ni cha ufe PC lade.
Wi immer.....hani z'Gfueu dases dr letscht Blogitrag isch, aber waer weiss...;-).
Haebets guet u bis gly
Samstag, 26. Juli 2008
Boat-Cruise
So, iz chumi glich no drzue öich z'schribe - wobi bi mir scho viertuvor 2i isch u ig am 7i mues ufstah....;-(((. Aber da's ja när über zwe Wuche geit bisdr ume vomer ghöret (oder vilich ou meh, nämlech bisi ume zrügg bi) schribi doch iz no hurti.
Hüt isch Boat Cruise gsi. Isch ä Schueu-Aktivität gsi. Di hei äs riise Boot, me ä Yacht gmietet fürne Party. Äs isch würklech de ou ä Party worde (sogar scho bevormer aui hei Drinks gha!!!). S'hei eifach au dr Abe gnosse u tanzet, trunke, gredt usw. - unger Deck si die gsi wo hei Kontakt gsuecht ;-)). Mir si natürlech dobe gsi....si de um ganz Vancouver gschiffnet - wi ou immer mä däm seit... Isch wük kuul gsi, ha no säute bis gar nie sone kuuli Party erläbt.
Das isch üses Partyschiff gsi - obe ufem Deck hetmä chönne dusse si, het aber dunge ou ine chönne...
Wime gseht hei aui Party gha, bsunders Mexico (links), Dütschland (2. v. rechts) u Brasilie (rächts)!!!
Ha de ou no ä Bärner gfunge...;-)
Aber bi ize dementsprächend ou müed.... Ha ou aune müessä goodbye säge. S'isch ä wük extrem kuuli Zit gsi hie. U ig wirdes vermisse. Ha u viu gueti Lüt lehrä kennä u sogar ou no chli Änglisch glehrt ;-). Iz gani haut no di zwe Wuche id Rockies u de bini när scho gli ume deheim für dases de grad churzum witer uf Sardinie geit ;-).
Das si aui di vile Lüt woni hie bi mitne zäme gsi - guet, s'si öppe d'Heufti...aber isch glich super gsi!!!
Machets ämu aui ganz ganz guet. Hoffe gsehnech au gsund u munter ume ir Schwiz.
MERSI viu viu mau au denä wo immer hei ami dänkt u Kommentare gschribe u Mails gschickt. das hetmi immer extrem fescht gfröit - ume ou chli z'Heimweh vom Haus ghaute!!!!!!!!!
Take care!!!!!!!!!!!!!!!!!!
Hüt isch Boat Cruise gsi. Isch ä Schueu-Aktivität gsi. Di hei äs riise Boot, me ä Yacht gmietet fürne Party. Äs isch würklech de ou ä Party worde (sogar scho bevormer aui hei Drinks gha!!!). S'hei eifach au dr Abe gnosse u tanzet, trunke, gredt usw. - unger Deck si die gsi wo hei Kontakt gsuecht ;-)). Mir si natürlech dobe gsi....si de um ganz Vancouver gschiffnet - wi ou immer mä däm seit... Isch wük kuul gsi, ha no säute bis gar nie sone kuuli Party erläbt.
Das isch üses Partyschiff gsi - obe ufem Deck hetmä chönne dusse si, het aber dunge ou ine chönne...
Wime gseht hei aui Party gha, bsunders Mexico (links), Dütschland (2. v. rechts) u Brasilie (rächts)!!!
Ha de ou no ä Bärner gfunge...;-)
Aber bi ize dementsprächend ou müed.... Ha ou aune müessä goodbye säge. S'isch ä wük extrem kuuli Zit gsi hie. U ig wirdes vermisse. Ha u viu gueti Lüt lehrä kennä u sogar ou no chli Änglisch glehrt ;-). Iz gani haut no di zwe Wuche id Rockies u de bini när scho gli ume deheim für dases de grad churzum witer uf Sardinie geit ;-).
Das si aui di vile Lüt woni hie bi mitne zäme gsi - guet, s'si öppe d'Heufti...aber isch glich super gsi!!!
Machets ämu aui ganz ganz guet. Hoffe gsehnech au gsund u munter ume ir Schwiz.
MERSI viu viu mau au denä wo immer hei ami dänkt u Kommentare gschribe u Mails gschickt. das hetmi immer extrem fescht gfröit - ume ou chli z'Heimweh vom Haus ghaute!!!!!!!!!
Take care!!!!!!!!!!!!!!!!!!
Donnerstag, 24. Juli 2008
Lang nüm ghört...
Hoi aui....ig weis, ha lang nüm gschribe. Aber isch nüt ussergwöhnlechs passiert.....ämu nüt wo öich sunderlech würd intressierä. Ha di letschtä zwe Wuche meh oder weniger mit mim Buech am Strand verbracht u z'schöne Wätter gnosse.
Hüt isch scho mi zwöitletscht Tag hie z'Vancouver. Morn am Morge no Schueu u am Abe heimer ä Boat Cruise...das heisst eifach ä rise Party ufme Boot im Meer usse ;-)).
Passiert isch eigentlech würkelch ni viu. Geschter isch no äs rise Fürwärk gsi....dasmau äs würklech guets. Si hei sogar ä Choreographie gmacht mit Musig drzue. Mues sägä s'hetmi no so beidruckt, v.a. wosi de so wit si cho dasme z'Fürwärk nüm het überblickt wüusi so viu ufzmau hei ufegla. S'het natürlech dementsprächend ou viu Lüt gha....u au di Lüt hei när ou hei wöue. Äs isch schlimmer gsi aus am Prodigy Konzärt ufem Gurte vor zwöi Jahr. Mä isch weder vorwärts no Rückwärts cho, bsunders unagnähm wemä so überus gross isch wi ig bi.....aber ig has ämu überläbt.
Das si di wenige Lüt gsi wo hei Hei wöue...
Ha sogar scho afa packe u mit meh oder weniger keim Schreck festgsteut dasi absolut z'weni Platz ha (ha das eigentlech scho im Vorus gwüsst....drum hetsmi ni gschocket). Aber dr Koleg vo eirä usdr Schueu chunnt de no für zwe Wuche u dä bringt ä lääre Koffer für üs.....de chöimer ihm no chli mitgäh... Süsch hätti ke Ahnig wi das Ganze sött ga.
Zersch gani iz aber no chli id Rockys.... U weni vo dert zrügg bi isches de ou nume no ä Wuche u när bini scho ume deheim - u cha mit mim Fitnessprogramm afa. Mini Jeans sägemers jedesmau wenise alegä...;-)).
Ah, ha ja natürlech no öppis glert di Wuche. Hei bi zwenä Brasilianerinne deheim (di hei hie ä Wohnig gmietet) ä "Party" gha. U ächti Brasilianerinne trinke Caipirinha ni mit Limettä sondern mit Melone oder Passionsfrucht - si hei ou rächt, isch nämlech tusig mau besser!! Und, Brasilianer tüe nie brune Zucker i Caipirinha....ig weis ja ou ni wäm sini komischi Idee das isch gsi ir Schwiz.
Isch ar Party gsi miterä Tschechin (links), Brasilianerä (rächts) u är ir Mitti isch vo Mexico...
Und da ig ja de id Rockys ga wirds fürnes Zitli ke News me gäh (aber sitnechs ja iz scho fasch chli gwahnet). U weni zrügg bi wohni de imne YouthHostel u ha ke Ahnig öbsi wireless hei...drum chas si dasdr de ume vomer ghöret weni zrügg bi....häbet ämu aui zämä ä gueti Zit u gniesset dr Summer!!!!!
Hüt isch scho mi zwöitletscht Tag hie z'Vancouver. Morn am Morge no Schueu u am Abe heimer ä Boat Cruise...das heisst eifach ä rise Party ufme Boot im Meer usse ;-)).
Passiert isch eigentlech würkelch ni viu. Geschter isch no äs rise Fürwärk gsi....dasmau äs würklech guets. Si hei sogar ä Choreographie gmacht mit Musig drzue. Mues sägä s'hetmi no so beidruckt, v.a. wosi de so wit si cho dasme z'Fürwärk nüm het überblickt wüusi so viu ufzmau hei ufegla. S'het natürlech dementsprächend ou viu Lüt gha....u au di Lüt hei när ou hei wöue. Äs isch schlimmer gsi aus am Prodigy Konzärt ufem Gurte vor zwöi Jahr. Mä isch weder vorwärts no Rückwärts cho, bsunders unagnähm wemä so überus gross isch wi ig bi.....aber ig has ämu überläbt.
Das si di wenige Lüt gsi wo hei Hei wöue...
Ha sogar scho afa packe u mit meh oder weniger keim Schreck festgsteut dasi absolut z'weni Platz ha (ha das eigentlech scho im Vorus gwüsst....drum hetsmi ni gschocket). Aber dr Koleg vo eirä usdr Schueu chunnt de no für zwe Wuche u dä bringt ä lääre Koffer für üs.....de chöimer ihm no chli mitgäh... Süsch hätti ke Ahnig wi das Ganze sött ga.
Zersch gani iz aber no chli id Rockys.... U weni vo dert zrügg bi isches de ou nume no ä Wuche u när bini scho ume deheim - u cha mit mim Fitnessprogramm afa. Mini Jeans sägemers jedesmau wenise alegä...;-)).
Ah, ha ja natürlech no öppis glert di Wuche. Hei bi zwenä Brasilianerinne deheim (di hei hie ä Wohnig gmietet) ä "Party" gha. U ächti Brasilianerinne trinke Caipirinha ni mit Limettä sondern mit Melone oder Passionsfrucht - si hei ou rächt, isch nämlech tusig mau besser!! Und, Brasilianer tüe nie brune Zucker i Caipirinha....ig weis ja ou ni wäm sini komischi Idee das isch gsi ir Schwiz.
Isch ar Party gsi miterä Tschechin (links), Brasilianerä (rächts) u är ir Mitti isch vo Mexico...
Und da ig ja de id Rockys ga wirds fürnes Zitli ke News me gäh (aber sitnechs ja iz scho fasch chli gwahnet). U weni zrügg bi wohni de imne YouthHostel u ha ke Ahnig öbsi wireless hei...drum chas si dasdr de ume vomer ghöret weni zrügg bi....häbet ämu aui zämä ä gueti Zit u gniesset dr Summer!!!!!
Montag, 14. Juli 2008
Strom outage
Hüt isch Vancouver ganz bsunders "busy" gsi. Am morge am 9i isch ä Stromgenerator explodiert (fragetmi ni wi das passiert isch....). Uf au Fäu isch das grad im Block näb mire Schueu gsi u d'Heufti vo Downtown het när ke Strom me gha. Leider het üsi Schueu ni zu derä Heufti ghört - obwoumer nume 100m drnäbe si gsi - aber natürlech Starbucks, Tim Hortons u Blenz....het demnach kes Kafi gä hüt.
Nei das ganze isch veiechli us de Fuege grate. S'si natürlech keni Amplene me gange (d.h. so a gwüsse Chrüzige scho, aber a dä meischtä ni) u si hei ou ni gnue Polizischte gha für ufd Chrüzige z'steuä. Mä chasechs ja äuä öppe vorsteuä wis när tuet we 4 3-spurigi Strasse ufenang chöme. Äbä, wini ha gschribe isch das ganze hüt am Morge am 9i passiert u bis ize hetsech no gar nüt ta (bi mir isch ize 8i am Abe). Äs isch de ou zimli äs Wagnis worde woni Downtown bi umeglüffe (ja, ume mau am shöpperle) u ha müessä d'Strasse überquerä - isch scho gfährlech we d'Ample gö...!!!
Ha vori grad ufdr Homepage vor hiesige Zitig gläse das das ganze no viu schlimmer isch aus aui hei agno wüus ä riiiise Server im Harbour Centre nüm het chönne versorge u sämtlechi Netz vo Vancouver u viu hie drumum wi z. B. Calgary (was ja eigentlech überhoupt ni nöch isch) si zämegheit. Das ganze hetsech sogar bis uf Michigan USA abezoge, wüu die irgendwie amne hiesige Internetabieter hange. Die si dert unge iz auso ou ohni Internet....teilwis.
Nei das ganze isch veiechli us de Fuege grate. S'si natürlech keni Amplene me gange (d.h. so a gwüsse Chrüzige scho, aber a dä meischtä ni) u si hei ou ni gnue Polizischte gha für ufd Chrüzige z'steuä. Mä chasechs ja äuä öppe vorsteuä wis när tuet we 4 3-spurigi Strasse ufenang chöme. Äbä, wini ha gschribe isch das ganze hüt am Morge am 9i passiert u bis ize hetsech no gar nüt ta (bi mir isch ize 8i am Abe). Äs isch de ou zimli äs Wagnis worde woni Downtown bi umeglüffe (ja, ume mau am shöpperle) u ha müessä d'Strasse überquerä - isch scho gfährlech we d'Ample gö...!!!
Ha vori grad ufdr Homepage vor hiesige Zitig gläse das das ganze no viu schlimmer isch aus aui hei agno wüus ä riiiise Server im Harbour Centre nüm het chönne versorge u sämtlechi Netz vo Vancouver u viu hie drumum wi z. B. Calgary (was ja eigentlech überhoupt ni nöch isch) si zämegheit. Das ganze hetsech sogar bis uf Michigan USA abezoge, wüu die irgendwie amne hiesige Internetabieter hange. Die si dert unge iz auso ou ohni Internet....teilwis.
Gseh tuetme an und fürsech süsch nüt. Das ganze isch ungerirdisch passiert...
Sonntag, 13. Juli 2008
Natur pur
Ds Wuchenänd isch würklech äs natur Wuchenänd gsi. Mir si a Orte gsi wod ni chönntsch meinä das ä Grossstadt ir nöchi isch.
Agfange hets am Friti am Nami mit Deep Cove. Si dert häre für eigentlech eifach nume chli z'si. Leider isches de so warm worde dasmernis hei entschlosse iz Wasser z'ga...am Afang ischs ja no so schön gsi - bis ä tote Chräbs isch cho z'schwümme (är isch scho nume sehr sehr chli gsi, aber isch glich irgendwie ni so amächelig). Auso simer haut ume use u hei när dr Abe dert miterä Latino Band gnosse.
Das isch Deep Cove - berüehmt für ga z'kayakä (wi ou immer mä das schribt ;-))
Geschter simer iz Lynn Valley zure angerä Hängebrügg - wobi die sehr enttüschend isch gsi. Hei drfür ganz schöni Plätzli gfunge.
Rice Lake im Lynn Valley...
Am Abe simer när ines Steak-House....läck isch das guet gsi. Mau ume richtigs Fleisch - i mim Homestay gits ja meischtens Pasta, komischs Gmües u no Poulet. Drum het so Steak richtig guet ta.
Hüt simer de uf Bowen Island. Us luter tümmi heimer natürlech gfunge mir müessä iz uf dä Mount Gardner ufechlätterä.....u womer ir Heufti gmerkt hei dases extrem asträngend isch isch scho z'spät gsi.
Iz hani grad im Netz nachegforscht wi wit u wiviu Höhemeter dases si gsi - d'Strecki isch 17km u Höhemeter söues 719 gsi si....äs isch scho sehr sehr viu gsi, aber das dünktmi grad chli viu. Uf au Fäu....we z'Netz das so meint de ischs sicher ou so.
Leider hets ke Gondle gha, auso heimer aus müessä ufe loufe. Was aber no viu schlimmer isch gsi isch dr Wäg abe, äs isch u stotzig gsi u das isch ni sehr agnähm zum loufe.
Ds isch d'Ussicht gsi vom Mount Gardner...
Ds isch Teil vo üsem Pfad gsi - wemes überhoupt so cha nennä...
Iz bini deheim u todmüed....u eigentlech tuetmer ou aus weh...
Agfange hets am Friti am Nami mit Deep Cove. Si dert häre für eigentlech eifach nume chli z'si. Leider isches de so warm worde dasmernis hei entschlosse iz Wasser z'ga...am Afang ischs ja no so schön gsi - bis ä tote Chräbs isch cho z'schwümme (är isch scho nume sehr sehr chli gsi, aber isch glich irgendwie ni so amächelig). Auso simer haut ume use u hei när dr Abe dert miterä Latino Band gnosse.
Das isch Deep Cove - berüehmt für ga z'kayakä (wi ou immer mä das schribt ;-))
Geschter simer iz Lynn Valley zure angerä Hängebrügg - wobi die sehr enttüschend isch gsi. Hei drfür ganz schöni Plätzli gfunge.
Rice Lake im Lynn Valley...
Am Abe simer när ines Steak-House....läck isch das guet gsi. Mau ume richtigs Fleisch - i mim Homestay gits ja meischtens Pasta, komischs Gmües u no Poulet. Drum het so Steak richtig guet ta.
Hüt simer de uf Bowen Island. Us luter tümmi heimer natürlech gfunge mir müessä iz uf dä Mount Gardner ufechlätterä.....u womer ir Heufti gmerkt hei dases extrem asträngend isch isch scho z'spät gsi.
Iz hani grad im Netz nachegforscht wi wit u wiviu Höhemeter dases si gsi - d'Strecki isch 17km u Höhemeter söues 719 gsi si....äs isch scho sehr sehr viu gsi, aber das dünktmi grad chli viu. Uf au Fäu....we z'Netz das so meint de ischs sicher ou so.
Leider hets ke Gondle gha, auso heimer aus müessä ufe loufe. Was aber no viu schlimmer isch gsi isch dr Wäg abe, äs isch u stotzig gsi u das isch ni sehr agnähm zum loufe.
Ds isch d'Ussicht gsi vom Mount Gardner...
Ds isch Teil vo üsem Pfad gsi - wemes überhoupt so cha nennä...
Iz bini deheim u todmüed....u eigentlech tuetmer ou aus weh...
Donnerstag, 10. Juli 2008
Shopping
Einisch meh hetsech hüt bestätigt dasi mau ä sehr sehr sehr riiche Maa bruche - chöit auso aui scho mau chli d'Ouge offe bhaute fürmi ;-).
Da's hüt bi üs zwar wäuts schön Wätter isch gsi, aber so fescht gluftet het dasme het müesse d'Sunnebrüue alegä dases eim ni aus wo ir Luft umeflügt id Ouge luftet, hanimi entschiede ga z'shoppe anstatt a Strand z'ga (ig weis, mis Läbe isch so asträngend hie....ig ha iz nume no am Morge schueu u am Nami muesimi immer entscheide öbi wott ga shoppe, a Strand oder ga umekäfele....ganz müehsam ;-)).
Dä "Sturm" isch aber no relativ derb gsi. Di ganze Strasse vo Vanvouver si grüen gsi, wüus sämtlechi Bletter vo de Böim het abegluftet - eigentlech gsehts us wi im Herbst, eifach das d'Bletter no grüen anstatt rot si...
Uf au Fäu bini ad Robson-Street - das Einkaufsmekka vo Vancouver!! U wüu ja hie aus chli angers isch für mi bini natürlech ni i H&M sondern Tommy Hilfiger, Guess usw. Ha de usegfunge dases viu meh fägt dert ga iz'choufe aus im H&M. Währenddäm mä am Chleider aluegä isch chöme d'Fröleins u frage öbsi fang dörfe ä Garderobe reservierä u de chame ne aus mitgäh wome scho het usegsuecht...u wemä de parat isch chame nume no id Garderobe ine ohni müessä az'stah!! U wemä das ganze när probiert het u s'natürlech passt ume geit ga zahle (wobi mä nones 5 Minutigs Gspräch mitm Kassier het vo wo dasme chunnt, wasme macht, öbs eim gfaut, wis eim geit, weli Schueu dasme bsuecht, usw.) packesi di ganze Chleider i Sidepapier i (finge ig ja persönlech fasch z'beschtä vo auem...;-)). Ig mues hie vilich no säge das Final Sale isch, d.h. äs isch wäsentlech sehr sehr sehr viu günschtiger auses süsch wär (würds ja angeräfaus ni vermöge....ha mi riich Ma no ni gfunge ;-)).
Hüt hani aber ou gmerkt dasimi hie scho fasch z'fescht deheim füehlä....ha nämlech scho fernweh becho (natürlech ni nach deheim)...ha Föteli vo angernä gseh wo iz bispiuswis grad z'West Palm Beach si fürnes haubs Jahr u das schint dert ou relativ nätt z'si...
Weni aber när dra dänke dasi nume no 5 Wuche hie bi muesi scho afa pressierä mit Plän z'mache wasi no aus mues gseh.....auso dir gseht bi chli imne Dilemma im Momänt. Aber s'chunnt de scho aus guet....u süsch chumi de eifach speter ume da häre ;-).
Da's hüt bi üs zwar wäuts schön Wätter isch gsi, aber so fescht gluftet het dasme het müesse d'Sunnebrüue alegä dases eim ni aus wo ir Luft umeflügt id Ouge luftet, hanimi entschiede ga z'shoppe anstatt a Strand z'ga (ig weis, mis Läbe isch so asträngend hie....ig ha iz nume no am Morge schueu u am Nami muesimi immer entscheide öbi wott ga shoppe, a Strand oder ga umekäfele....ganz müehsam ;-)).
Dä "Sturm" isch aber no relativ derb gsi. Di ganze Strasse vo Vanvouver si grüen gsi, wüus sämtlechi Bletter vo de Böim het abegluftet - eigentlech gsehts us wi im Herbst, eifach das d'Bletter no grüen anstatt rot si...
Uf au Fäu bini ad Robson-Street - das Einkaufsmekka vo Vancouver!! U wüu ja hie aus chli angers isch für mi bini natürlech ni i H&M sondern Tommy Hilfiger, Guess usw. Ha de usegfunge dases viu meh fägt dert ga iz'choufe aus im H&M. Währenddäm mä am Chleider aluegä isch chöme d'Fröleins u frage öbsi fang dörfe ä Garderobe reservierä u de chame ne aus mitgäh wome scho het usegsuecht...u wemä de parat isch chame nume no id Garderobe ine ohni müessä az'stah!! U wemä das ganze när probiert het u s'natürlech passt ume geit ga zahle (wobi mä nones 5 Minutigs Gspräch mitm Kassier het vo wo dasme chunnt, wasme macht, öbs eim gfaut, wis eim geit, weli Schueu dasme bsuecht, usw.) packesi di ganze Chleider i Sidepapier i (finge ig ja persönlech fasch z'beschtä vo auem...;-)). Ig mues hie vilich no säge das Final Sale isch, d.h. äs isch wäsentlech sehr sehr sehr viu günschtiger auses süsch wär (würds ja angeräfaus ni vermöge....ha mi riich Ma no ni gfunge ;-)).
Hüt hani aber ou gmerkt dasimi hie scho fasch z'fescht deheim füehlä....ha nämlech scho fernweh becho (natürlech ni nach deheim)...ha Föteli vo angernä gseh wo iz bispiuswis grad z'West Palm Beach si fürnes haubs Jahr u das schint dert ou relativ nätt z'si...
Weni aber när dra dänke dasi nume no 5 Wuche hie bi muesi scho afa pressierä mit Plän z'mache wasi no aus mues gseh.....auso dir gseht bi chli imne Dilemma im Momänt. Aber s'chunnt de scho aus guet....u süsch chumi de eifach speter ume da häre ;-).
Sonntag, 6. Juli 2008
Grouse Mountain
Hüt hani mau ä "gmüetlechi" Wanderig ufe Grouse Mountain gmacht - ig ha ämu gmeint s'wärdi de meh oder weniger gmüetlech. Schlussändlech hani festgsteut dasi mini körperlechä Gränze ha entdeckt.....!!!
Grouse Mountain isch eifach sone Bärg z'North Vancouver. S'hätt ä Gondle für ufe, aber di chochtet 35$ - isch ja klar das jedä louft. Auso heimer das ou gmacht. Dr Wäg wär eigentlech nume 2.9 km, aber 853 Höhemeter. U s'geit so zimli gnau eifach grad dr Bärg z'deruf....d.h. ni öppe so wi dr Wäg ufe Gurte - guet vilich d'Downhillstrecki. Mir si auso meh oder weniger dert ufe gchlätteret i 90 Minute. Di schneuschtä hei 27 Minute, di hei dert aube so wi contests ufe. U mi Hostvatter hetmer vori grad gseit dassi d'Vancouver Canucks im Trainingslager dert ufeschicke - ig bi iz auso parat für d'Kanadier Hockey z'spile ;-).
Ha haut äs Biudli müesse abelade....das wär dr "Wäg"gsi womer hei müesse ufe"loufe".
Ig ha würklech mini Gränze erreicht...ig bi so kabutt gsi ig ha nimau chönne Föteli mache - nei erlech, ig bi i üsne Pouse nimau abghockt, wüui ha gwüsst dasi ume mues ufstah u das wär z'asträngend gsi, ig ha würklech aui mini räschtlechä Chreft müessä sammle. Ig weis, das tönt rächt kitschig u doof, aber isch wahr!!! U womer de ändlech si dobe acho hani meh oder weniger nüm gspürt.... Mis Shirt isch durch u durch nass gsi, het ke trochnige Fläck meh gha.
Aber ig gloub dr schlimmscht Momänt isch gsi wonimer z'erschtä mau ha überleit um z'cherä. Ig bi scho haub tod ufm Wäg gläge u ha när aber gfunge ig loufe iz glich witer, mir hei ja sicher scho über d'Heufti (eigentlech bini überzügt gsi dasmer sicher scho 3/4 hei) - när chunnt einä abe z'loufe u seit är heig d'1/4 Tafele erreicht u heigsech när entschide um z'cherä - vo dert us wo mir si gsi hetmä di Tafele nimau gseh..... Ig wär am liebschte abghocket u hätt afa gränne, aber wahrschinlech bini z'erschöpft gsi.
Das wär auso mi erhousam Sunnti gsi...
Ah ja, ha ä Bär gseh....aber nume so haub ir Wiudniss. Isch irgendwie sones Reservoir gsi wosi Bäre häretüe wosi grettet hei... Süsch wäri ni so nöch zuche - ig meinä wes ke Zun gha hätt.
Grouse Mountain isch eifach sone Bärg z'North Vancouver. S'hätt ä Gondle für ufe, aber di chochtet 35$ - isch ja klar das jedä louft. Auso heimer das ou gmacht. Dr Wäg wär eigentlech nume 2.9 km, aber 853 Höhemeter. U s'geit so zimli gnau eifach grad dr Bärg z'deruf....d.h. ni öppe so wi dr Wäg ufe Gurte - guet vilich d'Downhillstrecki. Mir si auso meh oder weniger dert ufe gchlätteret i 90 Minute. Di schneuschtä hei 27 Minute, di hei dert aube so wi contests ufe. U mi Hostvatter hetmer vori grad gseit dassi d'Vancouver Canucks im Trainingslager dert ufeschicke - ig bi iz auso parat für d'Kanadier Hockey z'spile ;-).
Ha haut äs Biudli müesse abelade....das wär dr "Wäg"gsi womer hei müesse ufe"loufe".
Ig ha würklech mini Gränze erreicht...ig bi so kabutt gsi ig ha nimau chönne Föteli mache - nei erlech, ig bi i üsne Pouse nimau abghockt, wüui ha gwüsst dasi ume mues ufstah u das wär z'asträngend gsi, ig ha würklech aui mini räschtlechä Chreft müessä sammle. Ig weis, das tönt rächt kitschig u doof, aber isch wahr!!! U womer de ändlech si dobe acho hani meh oder weniger nüm gspürt.... Mis Shirt isch durch u durch nass gsi, het ke trochnige Fläck meh gha.
Aber ig gloub dr schlimmscht Momänt isch gsi wonimer z'erschtä mau ha überleit um z'cherä. Ig bi scho haub tod ufm Wäg gläge u ha när aber gfunge ig loufe iz glich witer, mir hei ja sicher scho über d'Heufti (eigentlech bini überzügt gsi dasmer sicher scho 3/4 hei) - när chunnt einä abe z'loufe u seit är heig d'1/4 Tafele erreicht u heigsech när entschide um z'cherä - vo dert us wo mir si gsi hetmä di Tafele nimau gseh..... Ig wär am liebschte abghocket u hätt afa gränne, aber wahrschinlech bini z'erschöpft gsi.
Das wär auso mi erhousam Sunnti gsi...
Ah ja, ha ä Bär gseh....aber nume so haub ir Wiudniss. Isch irgendwie sones Reservoir gsi wosi Bäre häretüe wosi grettet hei... Süsch wäri ni so nöch zuche - ig meinä wes ke Zun gha hätt.
Dienstag, 1. Juli 2008
Vancouver Police Officers
Ig gloub nachdäm gwüssi Lüt dä Blogitrag gläsä hei wärdesi übernä Versetzig nach Vancouver nachedänke...;-)
Hüt simer gmüetlech a Strand chli ga sünnele (bade chame hie leider ni wük - z'Wasser isch grüsiger aus im Murtesee). U da chöme doch 8 Polizischte cho z'loufe....einä diräkt uf üs zue. Hamer när afa überlegä was äch fausch isch.....u ig bi würklech sehr baff gsi woner de het gfragt öber söu äs Foti vo üs mache...?!?!?! Natürlech heimer gseit ja (mä widerspricht ja nie amne Polizischt ;-)). Leider bini so näb dä Schue gsi dasi ni ha dra dänkt vilich äs Foti vo ihm z'mache....är het nämlech würklech no ganz guet usgseh ;-)).
Di si när emu witer u hei dr ganz Strand abgfragt öbsi söu Fötelis mache..... Kurz gseit Polizischte hie wärde drfür zaut am Strand ga Froue i Bikinis z'fötele.....
Dr ursprünglech Sinn vo derä üebig wär gloub gsi z'kontrollierä öb niemer Auk trinkt - das isch nämlech hie verbote....auso ni grundsätzlech, aber eifach a aune öffentlechä Orte! Eh ja, ig gloube ja dra dasme jede Mönsch zwöimau gseht.....dä überus scharmant Police Officer wird sicher mau none witerä Kontrougang am Strand mache u de dänki de vilich denn dra äs Foti vonim z'mache...;-))).
Hüt simer gmüetlech a Strand chli ga sünnele (bade chame hie leider ni wük - z'Wasser isch grüsiger aus im Murtesee). U da chöme doch 8 Polizischte cho z'loufe....einä diräkt uf üs zue. Hamer när afa überlegä was äch fausch isch.....u ig bi würklech sehr baff gsi woner de het gfragt öber söu äs Foti vo üs mache...?!?!?! Natürlech heimer gseit ja (mä widerspricht ja nie amne Polizischt ;-)). Leider bini so näb dä Schue gsi dasi ni ha dra dänkt vilich äs Foti vo ihm z'mache....är het nämlech würklech no ganz guet usgseh ;-)).
Di si när emu witer u hei dr ganz Strand abgfragt öbsi söu Fötelis mache..... Kurz gseit Polizischte hie wärde drfür zaut am Strand ga Froue i Bikinis z'fötele.....
Dr ursprünglech Sinn vo derä üebig wär gloub gsi z'kontrollierä öb niemer Auk trinkt - das isch nämlech hie verbote....auso ni grundsätzlech, aber eifach a aune öffentlechä Orte! Eh ja, ig gloube ja dra dasme jede Mönsch zwöimau gseht.....dä überus scharmant Police Officer wird sicher mau none witerä Kontrougang am Strand mache u de dänki de vilich denn dra äs Foti vonim z'mache...;-))).
Abonnieren
Posts (Atom)