Ig gloub s'isch mau Zit zum mersi sägä für au öii liebä Kommentare!!! Ig fröiemi immer wäuts öppis vo öich z'ghöre - ou über d'Mails natürlech. U gibemer müeh öich ou zrügg z'schribe wenn immer müglech. Bi froh wedermi ou chli ufm Loufendä hautet...!!!
Ha iz sogar ä TV-Sender gfunge wo aui Euro-Spiu übertreit wärde - isch fasch wi dr Schwizer, nach dä Spiu hets no Interviews u so. Leider chumi äuä ni wük drzue di Spiu de ou z'luegä wüu bi üs ischs so um di 9i am morge we das Ganze bi öich statt fingt ;-).
Hüt hani fang z'speaking gha vo mine Advanced Prüefige. Isch ni so schlächt gsi, aber hätt chönne besser loufe. Mi Partner het leider ni verstange wasi ha wöue sägä, aber ig gloub s'isch weniger am Änglisch glägä aus meh am Inhaut an und für sich....wahrschinlech wärer ou ni drus cho wenis uf dütsch oder besser gseit holländisch (isch ä Dutch-Guy ;-)) hätt erklärt - s'isch eifach am Inhaut gläge. Aber är mues ja ou ni drus cho, di Expertä wei eifach au di Wörter ghöre wosinis i dä letschtä 4 Wuche hei itrimmt ;-)).
Bi üs isch ja wou grad so öppis vo beschissnigem Wätter.....hei sogar dr Rekord broche für di cheutischte Temperature wosi hie z'Kanada je hei gmässe im Juni . Eh ja, so langs nume no di Wuche isch während dä Prüefige ischs mer ja glich, aber ig befürchte s'duuret no chli lenger...
Abonnieren
Kommentare zum Post (Atom)
2 Kommentare:
So itz isch ou mau ar zyt, dass ig ä Kommentar schribä. Bi üs isch ja dEurofieber volländs usbrochä. mir hei ja das riisä Fancamp im Dorf und natürlech chömä dHolländr ou id Beiz,wo diräkt näbä mim Schlafzimmr isch, cho zMorgä ässä. Hipp Oranjes!! Muess vilech no sägä, dassi Ferie ha die Wuchä und drum nid würklech cha uspfusä. äs isch abr mega cool, wöu so isch mau chli öpis los i üsem chlinä Näst. Hüt abä bini uf au Fäu ou im Fancamp. DSchwizer spilä gägä dTürkei. Nadine ig wünsche dir no gaaanz viu Glück bi de rästleche Prüefigä! GlücksMuntsch Sandra
Hi Nadine, ja d'schwizer hei verlore gäge tütkei... u im büri isch dämentsprächend o d'stimmig! Der "luop" het sis schwiz t-shirt ömu nümme a - het geschder no ganz angers usgseh. :-)) I wünsche dir no aus guete a de prüefige u was o ganz wichtig isch: AUS GUETE ZUM GEBURI. Machs guet u bis gli - ganz liebi grüess, angelica
Kommentar veröffentlichen